Tragedia na lama pariba di costa a cobra bida di dos piscado Arubiano (2024)

Algo extremo a socede cu nan boto

  • Drone a logra localiza e restonan mortal
  • Famianan ta inconsolabel cu e accident aki

ORANJESTAD (AAN): Dos famia a drenta fin di siman cu curazon kibra, y cu e pregunta cardinal pa haya sa kico a pasa riba lama pariba di costa di Aruba cu a cobra bida di dos piscado cu no a haya chens ni pa bisa nan hendenan ‘ayo’.

Tabata Diaranson dia 28 di Augustus den oranan di atardi, cu Giovanni Marin di 60 aña, hunto cu Derwin Ponson di 32 aña a subi abordo di e boto ‘Mila’ for di Pier na Cura Cabay cu e meta pa bay pisca e atardi y e anochi ey. Prome cu mey anochi nan lo kier tuma rumbo bek pa tera.

Bay pisca pariba di Fontein: Famianan a splica cu nan a haya OK di e doño di e boto Mila pa bay pisca. E ta un boto tipo peñero, cu tin un center-console di cual e capitan ta maneha e boto. E ta wordo pusha door di dos outboard engine.

Un biaha mas nan a acudi pa bay pisca den e area di lama, cu ta keda panort di cabez di Aruba, esta algun miya pafo dilanti di Fontein. E lugar unda cu nan ta pisca, ta capta e cell-site halto cu tin instala riba sero di Yamanota, pues aunke nan ta varios miya leu di costa, nan por keda comunica cu nan smartphone haciendo yamada, of manda message.

Famianan a ricibi un message di nan poco prome cu 11:00 pm, cu nan a keda cla di pisca, y ta bay hisa anker pa asina regresa Cura Cabay, y nan ta calcula cu lo drenta mey anochi.

Tempo y ola: Pa ultimo dos dianan, tabatin un Ola Tropical posiciona mey-mey di Republica Dominicana cu islanan ABC. E pronostico di Meteo Aruba di Diaranson atardi, sinembargo tabata mustra cu biento ta modera entre 12 y 30 km/h, tin biaha cu rafa*ga entre 31 y 50 km/h. Olanan na parti Pariba te Noordwest di Aruba tabata alrededor di 3 pa 4 pia. Esey no ta nada bruto. Sinembargo tin indicacion cu ora e Ola Tropical a yega mas cerca, lama a bira mas bruto e anochi ey.

Despues cu esnan abordo di Mila a lanta anker, famianan no a tende nada mas di nan. Mey anochi e boto no a regresa e pier di Cura Cabay tampoco. Famianan a bira preocupa, pero a pensa cu kizas a bay pisca otro lugar.

Sinembargo ora cu solo a sali mainta, y ainda nan no a regresa, e ora a bati alarma. Famianan tambe a mobilisa pa bay na cabez di Aruba y area di Fontein, pa mira si kizas e boto a haya problema.

Haci uso di Drone: E Diahuebs mainta ey, famia a yama Centro MOC di Wardacosta di Caribe Hulandes tambe pa pone nan na altura cu tin 2 piscado perdi riba lama. A tuma nan declaracion di e area unda nan a bay pisca, y tambe a notifica nan cu poco prome cu 11:00 pm a haya message cu nan lo bay lanta anker.

Centro MOC mesora riba Diahuebs a laga e Helicopter di Wardacosta lanta vuelo y a bay bula riba e area menciona pa check si por topa cu algo. Doño di e boto Mila tambe a uni cu famia y nan a cana a lo largo di e costa di Fontein bay zuid.

Durante e buskeda riba Diahuebs, na e baranca cu tin pariba di Anker Cora na entrada di Colony, a bin topa cu un jacket salbabida, un tas, y un tanki di gasolin. A resulta cu tur tres obheto ta di e boto Mila. Pero a haya nada mas.

Wardacosta su personal na Aruba tambe a dirigi un Drone pa bula riba e area. E cutter Jaguar tambe a cuminsa pasa cerca di costa, pa asisti cu e buskceda.

Diahuebs anochi ora cu solo a baha, a cancela tur buskeda riba lama debi na scuridad.

Diabierna a yega: Diabierna mainta tempran a cuminsa bek cu buskeda. Atrobe Wardacosta a bula cu nan Drone, y e aparato aki pasando na altura di Bachelor Beach, a bin detecta un curpa humano cu no ta move. El a spula caba riba beach.

Despues di un rato, a constata un otro curpa humano, y esaki tampoco tabata duna señal di bida riba e mesun beach.

Autoridadnan a mobilisa mesora pa eynan, y famia- y conocirnan tambe a yega. Nan a bin identifica e dos curpanan aki como e piscadonan Marin y Ponson cu ta perdi.

Autoridadnan halto a wordo notifica, y esaki a inclui presencia di Alto Comisario drs. Ramon Arnhem, Recherche, team forensico di BFTO, y Polis a pidi presencia di Bureau Slachtofferhulp pa bay yuda sostene famianan cu tabata inconsolabel eynan.

E curpanan a wordo identifica como Rudolph Giovanni Marin, naci na Aruba dia 1 November 1963. E otro ta Derwin Jiomar Dionne Ponson, naci na Aruba dia 9 di September 1991.

Playback di Radar: Personal cu ta vigila Radar, a bay “playback” e grabacion di Radar. A resulta cu e radar marino tabata capta e boto Mila na un distancia fo’i costa dilanti Fontein.

Segun informacion oficial; e boto a desaparece for di radar manera nan a lanta anker. Ey ta unda e investigacion di e caso aki lo tin di tuma luga y ta den man di Wardacosta. Kizas un ola fuerte cu hendenan ta describi como ‘freak wave’ lo por a sorprende nan, kibrando e boto y sink esaki di biaha eybao. Tur esey ta hipotesis, y lo tin di haya e boto pa asina traha un mihor analisis.

Famianan ta comenta cu loke ta haci e caso aki un "poco" mas straño ta cu e boto no a worde haya, pero si algun cos cu tabata den e boto. A worde haya e plastic cu nan ta suppose di tin nan smartphone den dje; pero e smartphone mes no tabata den nan.

Docter Forensico tambe tabata na e lugar unda cu ambos curpa a worde tuma den beslag. Autopsia lo mester determina kico a sosode e delaster minuutnan di e piscadonan.

Na famianan di e fayecidonan, DIARIO como tambe Cuerpo Policial y Wardacosta di Caribe Hulandes ta expresa nan mas profundo palabra di condolencia.

View the embedded image gallery online at:
https://diario.aw/categories/noticia/policial/tragedia-na-lama-pariba-di-costa-a-cobra-bida-di-dos-piscado-arubiano#sigProIdfffbeb4a7f

Tragedia na lama pariba di costa a cobra bida di dos piscado Arubiano (2024)
Top Articles
Tomato Soup Cake Recipe
The Best Blue Cheese Dressing | 5 Minute Recipe
Poe T4 Aisling
Chris Provost Daughter Addie
Affidea ExpressCare - Affidea Ireland
Kristine Leahy Spouse
27 Places With The Absolute Best Pizza In NYC
AB Solutions Portal | Login
Draconic Treatise On Mining
Texas (TX) Powerball - Winning Numbers & Results
Lqse-2Hdc-D
Rosemary Beach, Panama City Beach, FL Real Estate & Homes for Sale | realtor.com®
Michaels W2 Online
History of Osceola County
Mals Crazy Crab
Aldine Isd Pay Scale 23-24
Craigslist Maui Garage Sale
/Www.usps.com/International/Passports.htm
18889183540
Promiseb Discontinued
Parc Soleil Drowning
Craigslist Northfield Vt
Dewalt vs Milwaukee: Comparing Top Power Tool Brands - EXTOL
Jobs Hiring Near Me Part Time For 15 Year Olds
Anotherdeadfairy
Wnem Tv5 Obituaries
Surplus property Definition: 397 Samples | Law Insider
Craigs List Jonesboro Ar
Telegram Voyeur
3569 Vineyard Ave NE, Grand Rapids, MI 49525 - MLS 24048144 - Coldwell Banker
Is Holly Warlick Married To Susan Patton
Bolly2Tolly Maari 2
Delete Verizon Cloud
Www Mydocbill Rada
Ff14 Laws Order
Elanco Rebates.com 2022
Nail Salon Open On Monday Near Me
Mp4Mania.net1
Metro 72 Hour Extension 2022
CVS Near Me | Somersworth, NH
Afspraak inzien
拿到绿卡后一亩三分地
Woodman's Carpentersville Gas Price
Cdcs Rochester
Luvsquad-Links
Former Employees
Smite Builds Season 9
Does Target Have Slime Lickers
Child care centers take steps to avoid COVID-19 shutdowns; some require masks for kids
Zipformsonline Plus Login
Dolce Luna Italian Restaurant & Pizzeria
Gummy Bear Hoco Proposal
Latest Posts
Article information

Author: Pres. Carey Rath

Last Updated:

Views: 5589

Rating: 4 / 5 (61 voted)

Reviews: 84% of readers found this page helpful

Author information

Name: Pres. Carey Rath

Birthday: 1997-03-06

Address: 14955 Ledner Trail, East Rodrickfort, NE 85127-8369

Phone: +18682428114917

Job: National Technology Representative

Hobby: Sand art, Drama, Web surfing, Cycling, Brazilian jiu-jitsu, Leather crafting, Creative writing

Introduction: My name is Pres. Carey Rath, I am a faithful, funny, vast, joyous, lively, brave, glamorous person who loves writing and wants to share my knowledge and understanding with you.